Oskeonsdag 13. februar, valentinsdagen 14. februar
No i februar kjem merkedagane på rekkje og rad.
Søndag 10. februar var både morsdag og fastelavnssøndag. Morsdag feirar vi her i landet andre søndagen i februar. Dei tre dagane etter fastelavnssøndag har frå gammalt av vore kalla blåmåndag, feitetysdag og oskeonsdag. Oskeonsdag innleier fastetida, som i den kyrkjelege tradisjonen varer i førti dagar, fram til påskeaftan.
I år kjem så valentinsdagen rett etterpå, alltid den 14. februar. Denne dagen er til minne om Sankt Valentin.